Togerja e FSK-së, Manushaqe Nura, përmes një postimi të bërë në llogarinë Facebook, ka ndarë me miqtë e saj një lajm tejet të rëndësishëm jo vetëm për të, por për të gjithë vendin tonë.

Ajo ka thënë se sot ka përfunduar shkollimin 6 mujor në Shkollën e Agjutantëve në ShBA, për të cilën ka marrë edhe medalje diplomatike.

Ndërsa ajo e përfundon këtë postim me një fjali mjaftë të fuqishme.

“Bac amaneti vazhdon; lavdi të rënëve për liri!”

Ky është postimi i togeres Nura:

Edhe kësaj sfide i erdhi fundi si më së miri. Më lejoni të ndajë me ju disa momente të rëndësishme gjatë shkollimit 6 mujorë në Shkollën e Agjutantëve në ShBA.

Një falenderim i veçantë shkon për qytetarët tanë që vazhdojnë të na besojnë si dhe për FSK-në dhe ushtrin amerikane për mundësinë e dhënë. Mbi të gjitha i falem familjes time që në çdo hap më kanë qëndru pranë në të mirë a në të keq.

Medaljen Diplomatike me të cilën u dekorova në këtë shkollim ia dedikoj partnerit tim Azdrenit. Ai si gjithmonë me përkrahjen e tij vazhdon të jetë shtyllë e fortë e sukseseve të mia.

Bac amaneti vazhdon; lavdi të rënëve për liri!