Presidenti i Ukrainës, Volodymyr Zelensky ka lëshuar një video emocionuese përpara Kongresit Amerikan, ku jepen pamje se si Ukraina ishte në kohë paqeje dhe se si duket tani kur po pushtohet nga Rusia, shkruan KultPlus.

Kongresi Amerikan e priti me duartrokitje paraqitjen e Zelenskyt në një ekran gjigant, derisa ai po vazhdon të qëndrojë me gjithë familjen e tij në shtetin të cilin e udhëheq.

Sot janë shënuar 21 ditë nga fillimi i luftës në Ukrainë, ndërsa Zelensky ka paraqitur një video emocionuese në të cilën kërkohet mbyllja e qiellit në Ukrainë.

Si pjesë e fjalimit të tij në Kongresin Amerikan, Presidenti Volodymyr Zelensky ka lëshuar një video emocionuese që mbulon pamjet nga Ukraina në kohë paqeje me pamjet e tre javëve të fundit.

NATO ka refuzuar të zbatojë një zonë ndalim-fluturimi, duke thënë se kjo mund ta tërheqë aleancën ushtarake në një luftë të drejtpërdrejtë me Rusinë.

Me një violinë që luan në sfond, pamjet përfshijnë tekstin: ‘Kjo është një vrasje’.

Videoja pikëlluese lëshohet nga minuta 20:20. /KultPlus.com