Zyra e Bashkimit Europian në Kosovë ka filluar aktivitetet e saj në Kosovë që për temë kanë çështjet gjinore dhe të cilat po zhvillohen në Shtëpinë e Europës në Prishtinë, shkruan KultPlus.com

“Zyra e BE/PSBE-së në Kosovë vendosi të fillojë vitin 2019 në një mënyrë shumë të veçantë, duke filluar një seri bisedimesh gjinore të BE-së. Ngjarja e parë e këtij vargu bisedimesh u mbajt më 21 janar 2019 në Qendrën e Informacionit dhe Kulturës së Bashkimit Evropian (EUICC), e njohur tani si Shtëpia e Evropës, në Prishtinë”, thuhet në raportin e tyre.

Në diskutimin e tyre të parë zyrtaret e larta të institucionit përkatës kanë shpalosur sfidat dhe nevojat me temën “Gjinia dhe personat me nevoja të veçanta”, brenda fushës së të Drejtave të Njeriut.

“Ambasadorja Nataliya Apostolova, Shefe e Zyrës së BE-së / Përfaqësuese Speciale e BE-së (PSBE) dhe Elvana Shala, Ambasadore e Vullnetit të Mirë për Kosovë, prezantuan diskutimin mbi ‘Gjininë dhe personat me nevoja të veçanta’. Si për çdo çështje tjetër të të drejtave të njeriut në Kosovë, personat me nevoja të veçanta përballen me një sërë sfidash në mbrojtjen e të drejtave të tyre”, thuhet ndër të tjera në raportin e tyre. / KultPlus.com