Akademik Hivzi Islamit sot për herë të dytë pala serbe ia ka ndaluar hyrjen në territorin e Serbisë, shkruan Insajderi.

Lajmin e ka bërë të ditur këshilltari i Ministrisë së Punëve të Jashtme, Jetlir Zyberaj.

“Pala serbe definitivisht është e pa interesuar dhe totalisht joserioze në zbatimin e marrëveshjeve të Brukselit. Sot, për herë të dytë përsëriti ndalimin e akademikut Hivzi Islami në pikën kufitare me Serbinë”.

Zyberi i cili tha se zyrtarët e Kosovës dhe qytetarët e Kosovës në vazhdimësi përballen me gjëra të tilla, ka paralajmëruar masë reciprociteti me Serbinë.

“BE do te lajmërohet nga ana jone që reciprociteti nga ana e Kosovës është mundësi reale tani”.

Tri ditë më parë Islami u ndalua nga autoritetet serbe, ai ishte nisur me familjen për vizitë te familjarët e tij në Bujanoc.

Pala serbe së fundi ja kishte ndaluar hyrjen edhe analistit Shkelzen Maliqi.