Albanologu japonez, Kazuhiko Yamamoto ka mbajtur ligjëratë rreth kërkimeve të tij në sfera të ndryshme albanologjike “Kanuni, etika, antropologjia, metafizika dhe problemet etike të njerëzimit”.

Me këtë rast ka folur edhe albanologu Gëzim Aliu, që njëkohësisht është edhe përkthyes i librit të Yamamotos.

Ai ka thënë se libri është botuar para 2 muajsh. Sipas tij, në këtë studim janë krahasuar koncepti i besës, koncepti i bukës, koncepti i hakmarrjes, etj.

“Ky libër është mjaft interesant dhe gjetjet që ka bërë profesor Yamamoto janë mjaft interesante”, tha ai.

Albanologu japonez, Yamamoto ka promovuar edhe librin e tij “Kodi zakonor fisnor dhe konceptet e Biblës hebraike”, që i ka marrë 25 vjet kohë dhe përkushtim deri në botimin e tij. Libri është studim krahasimtare i koncepteve të Biblës dhe Kanunit. / KultPlus.com