KulturKontakt në Austri ka hapur thirrjen për shkrimtarët e rinj dhe ata më të formuar nga Kosova.

Writers-in-Residence, apo Rezidenca për shkrimtarë, ka hapur aplikimin për vitin 2019-të, për të interesuarit që dëshirojnë të kalojnë 1 apo 2 muaj në Vjenë në kuadër të programit letrar.

Programi i ka të mbuluara shpenzimet e akomodimit dhe një rrogë mujore ndërsa i lejon autorëve fitues që të kalojnë kohë në Vjenë, përfshirë këtu edhe në MuseumQuartier në Vjenë, dhe të njoftohen me jetën kulturore në këtë qytet.

Për momentin nuk ka një afat të aplikimit por vendimet merren nga juria e cila e sheh të arsyeshme përzgjedhjen e autorëve shumë shpejtë pasi ata aplikojnë.

Në të kaluarën ka pasur disa pjesëmarrës nga Shqipëria dhe Kosova në këtë program rezidencial për shkrimtarë, gjatë të cilit shkrimtarët njoftohen me qytetin dhe në fund kanë mundësi të prezantojnë projektin e tyre letrar. Pos shkrimtarëve nga Kosova, për këtë program mund të aplikojnë edhe shkrimtarët nga Shqipëria dhe rajoni.

Për më shumë informata mund të klikoni në këta dy linka poshtë të cilët do t`ju qartësojnë procesin e aplikimit. / KultPlus.com

https://www.kulturkontakt.or.at/html/E/wp.asp?pass=x&p_lcd=en&p_title=24858&rn=92410

https://www.kulturkontakt.or.at/html/E/wp.asp?pass=x&p_lcd=en&p_title=8889&rn=92375