Qendra Kulturore Shqiptare ”Migjeni” e cila nga viti 2007 me shumë sukses prezanton gjuhën, kulturën, traditën, librin, prozën dhe poezinë shqipe në Skandinavi përmes aktiviteteve që vet organizon si në Suedi por edhe ne vende tjera të Evropës ka arritur të jetë në majën e suksesit të prezantimit të kulturës shqiptare në botë.

Ajo vet është organizatore e Festivalit Ndërkombëtar ”Sofra poetike ne Borås” me pjesëmarrje të poeteve nga mbi 80 vende te botës.

Në qytezën e vogël në krahinën Småland Tranås këtu e gjashtë vite me radhë organizohet Festivali ndërkombetar ”Tranås at the Fringe” i poezisë, prozës, filmit, pikturës, muzikës, vallëzimit me pjesëmarrje të aktorë të ndryshëm nga të gjitha vendet e botës.

Ky festival organizohet çdo vit në javën e fundit të muajit qershor dhe fillimin e javës së parë të muajit korrik.

Vite me parë në ketë Festival kanë marrë pjesë vetëm dy poet dhe shkrimtar për tre vite me radhë nga Qendra Kulturore Shqiptare ”Migjeni” ndërsa këtë vit pas pandemik QKSH Migjeni do të prezantohet me pesë poetë në Festivalin ” Tranås at the Fringe”.

Poetët shqiptar anëtar të Qendrës Kulturore Shqiptare Migjen: Rizah Sheqiri, Anxhela Ziso, Bahtir Latifi, Gladiolla Jorbus dhe Sokol Demaku, do performojnë në datë 8 korrik 2022 nga ora 16:00 deri në ora 17:30 në qytetin Jönkoping që është qendër e kulturës në regjionin  Smålnad, në Shtëpinë e letërsisë në Jönköping.

Ata do lexojnë poezitë e tyre në gjuhën shqipe por edhe ato në gjuhën suedeze, sepse këta poet janë të afirmuar edhe në poezinë suedeze këtu.

Në bisedë me organizatorët e këtij Festivali mësuam se: ”Tranås at the Fringe” u organizua për herë të parë në vitin 2014 dhe që atëherë është krijuar një rrjet i madh artistësh nga mbarë bota, dhe atë falë organizatorit të festivalit Colm O’Ciarnáin. Kjo bën të mundur organizimin e një ngjarjeje të madhe në një kohë relativisht të shkurtër, me pika programi që përfshijnë si shëtitje në qytet, poezi, film, vallëzim, pikturë, skulpturë, me artist vendorë  ashtu edhe artistë ndërkombëtarë.

Nga QKSH Migjeni thonë se kjo është një e arritur madheshtore për vet Qendrën por në anën tjetër edhe për letërsinë e sidomos për poezinë shqipe, sepse deri me tani në këtë drejtim është bërë shumë pak e me shumë të drejt dëgjuam fjalë mira nga organizatori i Festivalit ”Tranås at the Fringe” se QKSH Migjeni qenka një ambasador i poezisë shqipe në Suedi e më gjerë.

Ishte mendimi që edhe Festivali ”Sofra poetike” të jetë pjesë e ” Tranås at the Fringe”, por këtë vit kushtet nuk e kishin mundësuar këtë pasi është menjëhere pas pandemisë, ndërsa të dy organizatorët ” Tranås at the Fringe” dhe QKSH Migjeni shprehin gatishmërinë që vitin e ardhshëm edhe ”Sofra poetike” të jetë pjesë e ” Tranås at the Fringe” gjatë një dite.

Nga Sokol Demaku/ KultPlus.com