Në Poloni, pa një libër mbi Shqipërinë literatura e vitit 2018-të nuk do të ishte e kompletuar dhe kaq e begatshme.

Kësisoj së paku vlerëson ONET KULTURA, një faqe e njohur mbi artin dhe kulturën në Poloni e cila e renditë librin për Shqipërinë në mesin e shtatë librave të përkthyer në polonisht, pa të cilët viti 2018 do të ishte i tmerrshëm.

Në këtë listë është edhe libri ‘Balta më e ëmbël se mjalta – Zërat e Shqipërisë Komuniste” (Mud sweeter than honey, Voices of communist Albania) shkruar nga Malgorzata Rejmer.

Libri në fjalë i jep zë viktimave të regjimit komunist, të cilat arritën të shpëtonin ndër vite torturës, dhunës, persekutimeve, paranojës, internimit – pa asnjë dëmshpërblim. Libri flet për Enver Hoxhën, për Bunkerët, për Kadarenë, për Radio Tiranën, për Vaçe Zelën dhe për Adriatikun.

Në këtë listë janë edhe libra tjerë që i ka përmbledhur kjo redaksi, shumica prej tyre libra nga letërsia polake apo romane të përkthyer në polonisht, shkruan KultPlus.

Letërsia shqipe, në anën tjetër, njëjtë sikur edhe realiteti shqiptar gjithmonë kanë qenë në fokusin e interest për tregun letrar polak dhe për botuesit në Poloni. / KultPlus.com