Brigitte Bardot do të publikojë në janarin e 2018-tës një libër-testament që do të dëshmojë ngjarje nga jeta e saj.

Aktorja dhe ikona e modës franceze, që më vonë u shndërrua në një aktiviste për të drejtat e kafshëve, ka thënë se libri është një mënyrë për të treguar ekzistencën e saj.

“E shoh çdo ditë se si sillemi me kafshët dhe kam vendosur të flas më shumë në këtë drejtim. Libri do të tregojë se sa shumë irritohem dhe trishtohem nga ky aspekt” ka treguar Bardot për Culturebox.

Ajo është 83 vjeçare ndërsa jeton momentalisht në Saint-Tropez.

Së fundmi ajo ka qenë e zëshme kur e ka kritikuar presidentin francez Emmanuel Macron, duke thënë se ai nuk ka mëshirë për kafshët dhe natyrën.

Libri do të titullohet “Larmes de Combat”. / KultPlus.com