Kushdo që kalon në aksin Burrel-Tiranë është e pamundur që të mos e ketë parë në rrugë këtë fëmijë 10-vjeçar në vendin e quajtur ‘Ura e Karicës’.

Ai është Olgerti i mitur, që mundohet të sigurojë të ardhura për familjen e tij e mbi të gjitha për veten pasi të hënën që vjen duhet të shkojë në shkollë.

Puna është nder, ndërsa ai buzëqeshur e dëshmon këtë.

Olgerti thotë se del në rrugë çdo ditë në orën 8 të mëngjesit e kthehet në shtëpi në orën 19:00, duke sfiduar motin e nxehtë por edhe vetminë që duhet ta shoqërojë gjatë gjithë ditës, për të mos folur për lodhjen që e sfilit shtatin e tij të parritur ende.

https://m.youtube.com/watch?v=dwrBlzGpM20&ebc=ANyPxKr8j804RLWb1ISmblJ5x3YQ6k2QOJsXfJJFMpSZ_59fliyQk2K30VlM_FeOgw0Kddi5RhOdAEuYX5wqLO3ad8wRey6HxQ

I veshur me këpucë të grisura dhe me një pamje të pafajshme, Oligerti shpreson që dikush të ndalet dhe të blejë një misër që do t’i sillte pak para në xhepin e tij

‘Duhet me shit misra me bë lekë, se duhet me ble rrobat e dimrit. Mami dhe babi janë pa punë dal nga ora 7 e mëngjesit deri në 7 të darkës’, shprehet ai.