Në manifestimin kulturor të “Dom Mikelit”, në Stubëll të Vitisë janë ndarë çmimet për poezitë më të mirë të Orës së Madhe Letrare. Në këtë manifestim lexuan mbi 24 krijues nga Tirana, Italia, Presheva, Kamenica, Prishtina, Vushtrria, Ferizaji, Gjilani, Vitia e vende të tjera shqiptare, ndërsa numri i konkurentëve ishte edhe më i madh, përcjellë KultPlus

Fituese e “Orës së Madhe Letrare” u shpall Erenestina Halili për poezinë më të mirë. Ajo ishte e ftuar në Akademinë shkencore, në nder të figurës së heroit kombëtar Gjergj Kastrioti- Skënderbeu, së bashku me të ftuar të tjerë. Profesoresha, tha se është hera e parë që viziton Stubllën.

“Jam edhe e suprizuar, sepse shoh njerëz jo vetëm që jetojnë me histori e art, si dëshmi e gjallë e një historie ende të gjatë të Kosovës, siç është shkolla e parë shqipe, si dhe që është një pjesë e një historie shpirtërore përmes veprës së Dom Mikelit dhe një pjesë e një aktualiteti Evropian, përmes njerëzve, konkurseve dhe aktiviteteve tjera të shkencës apo të artit. Njerëzit njihen dhe zhvillojnë identitetin e tyre kombëtar e njerëzor edhe përmes takimeve të tilla, në vende me kaq histori e aktualitet- tha Halili, duke grishur edhe një ftesë për ta vizituar Stubllën.

Sabit Rrustemi e Anton Guraqa janë fitues të vendit të dytë, ndërsa fituesit e vendit të tretë janë: Qibrije Demiri dhe Enfeleva Tafa nga Shqipëria. Në fund të këtij manifestimi kulturor, juria në fjalë i shpërbleu dy veprimtar librash, Prend Buzhalën me mirënjohje dhe Mendi Menxhiqin, po ashtu me nga një mirënjohje./ rajonipress