Me 24 qershor 2022 duke filluar nga ora 20:00 në “Rotefabrik” Cyrih përurohet libri i gazetares austriake Franziska Tschindele mbi Shqipërinë me titullin «SHQIPËRIA – NGA IZOLIMI NË TË ARDHMEN EVROPIANE».

Gazetarja Franziska Tschinderle e lindur më 1994 në Austri, jeton në Tiranë dhe punon e shkruan për shumë gazeta gjermano folëse, ndër të tjera, për revistën e lajmeve austriake “profil“, pastaj për “republika” dhe të majtës zvicerane “woz”, si korrespondente e Evropës Juglindore. Ajo ka hulumtuar për librin e saj të reportazhit për Shqipërinë që nga viti 2019. Në libër pasqyrohet historia e shtetit shqiptar përgjatë kohës së diktaturës e deri në ditët e sotme. Në këtë libër nuk mungojnë edhe historitë dhe përjetimet e mbledhura të jetës së njerëzve të ndryshëm.

Në të njëjtën kohë, Tschinderle merret me Shqipërinë e sotme: me kushtet e punës në call center dhe miniera, me ndotjen e mjedisit, protestat e studentëve si dhe me opozitën e rrënuar në beteja fraksionale si dhe me kryeministrin shqiptar Edi Rama.
Libri paraprak me titullin “Nëpër Shqipëri” i gazetares austriake, Franziska Tschinderle ka shërbyer gjithashtu si bazë në një diskutim online për Shqipërinë me deputetë të Parlamentit Evropian.

Mbrëmja përuruese e librit do të moderohet nga gazetari Enver Robelli, ekspert i Evropës Juglindore për Tages-Anzeiger. Robelli, i cili udhëton rregullisht në viset shqiptare, do të diskutojë me Tschinderle për zhvillimet aktuale në Shqipëri.

Ky përurim libri është i organizuar nga libraria “mille et deux feuilles”

Prointegra.ch u rekomandon të gjithë shqiptaro-zviceranëve libërdashës dhe të interesuarve tjerë të regjionit dhe përtej tij të behën pjesë e mbrëmjes përuruese.

Vendi: Rotefabrik, Seestrasse 395, 8038 Zürich
HYRJA: CHF 15.00

Biletat mund të porositen në [email protected]. /diaspora shqiptare/ KultPlus.com