Filozofi dhe psikologu Erich Fromm, i cili vdiq në vitin 1980 duke i lënë botës libra dhe studime që edhe sot zgjojnë kureshtjen, në librin “Arti i Dëgjimit” e shpjegoi mirë të dëgjuarit, proces që ai e quajti si art të komplikuar dhe tek i cili arrihet me vështirësi.

Në “Artin e Dëgjimit”, libër me 400 faqe që për herë të parë nisi të shkruhej në vitin 1974, ai përmendi gjashtë rregullat për të qenë një dëgjues i mirë.

Para se ti zbulojmë ato, Fromm thoshte se “dëgjimi është një art, sikur kuptimi i një poezie”.

-Rregulla elementare për ta praktikuar këtë art është koncentrimi i plotë në njeriun që po dëgjon, dëgjuesin.
-Ai duhet të jetë i liruar nga ankthi, asgjë nuk duhet të kalojë nëpër mendjen e tij derisa po e dëgjon dhe kupton tjetrin.
-Dëgjuesi i mirë duhet të ketë imagjinatë të lirë që mund të shprehet me anë të fjalëve.
-Një dëgjues i mirë duhet të ketë ndjenjë prekshmërie nga përvoja e personit tjetër dhe duhet të jetë i fortë mjaftueshëm që atë përvojë ta përjetojë sikur t’i ketë ndodhur atij.
-Kushti për këtë ndjeshmëri dhe prekshmëri është aspekt i rëndësishëm për kapacitetin për të dashur. Ta kuptosh tjetrin ose tjetrën do të thotë ta duash, jo në kuptimin erotik por në sensin e arritjes së atij personit duke rrezikuar dhe tejkaluar këtë rrezik që mund ta humbësh veten.
-Të kuptosh dhe të duash janë dy gjëra të pandara. Nëse janë të ndara, dera e kuptimit është e mbyllur dhe do të mbetet e tillë.