Kryeministri i Kosovës, Ramush Haradinaj, në kongresin e VII zgjedhor të Sindikatës së Bashkuar të Arsimit Shkencës dhe Kulturës, deklaroi se statusi i punëtorëve të arsimit për punën e bërë gjatë viteve të 90-ta do tu njihet shumë shpejt atyre që kanë kontribuar në këtë periudhë.

Haradinaj pohoi se do ta zgjidhin hallin e tyre, veçse do të shikojnë të gjitha mënyrat që të gjitha palët të ndahen të kënaqur.

Haradinaj sindikalistëve të arsimit u bëri thirrje që të punojnë më shumë në përmirësimin e nivelit arsimor, duke i lutur qe t’i mësojnë fëmijët më shumë dhe të përmirësohen rezultatet e testit PISA.

Këtu mungoi ministri i arsimit, Shyqyri Bytyqi, por Haradinaj tha se ai vet është duke e zëvendësuar edhe ministrin në këtë ngjarje.

Rrahman Jasharaj, kryetar i SBAShK-ut nuk përmendi çështjen e grevave, veçse uroi që të ketë zgjedhje te mira.