Në ambientet e Fakultetit Filozofik është bërë promovimi i librit “Armiku i popullit pa emër” nga Idlir Azizaj, botuar nga Pika Pa Sipërfaqe, shkruan KultPlus.

Libri rrok një temë krejt aktuale, por pa qenë ekskluziv në aktualen, në të njëjtën kohë, të përbotshme e universale. Identiteti e të huajësimi me një rrjet referencash prej eruditi, dramaturgu, përkthyesi, autori Idlir Azizaj, sjell te lexuesi një «përrallë therrëse» apo, siç e quan vetë ai «përrallë politike», me shkas deportimin e një shqiptari jashtë Kosovës me vulën ‘i huaj’.

I gjendur në ‘tokën e askujt’, B.A., motivi, personazhi kryesor dhe narratori i veprës, fillon të meditojë rreth temës/ave që e preokupojnë…

Të gjitha kopjet që ishin në promovim u shitën dhe po e njëjta gjë ndodhi edhe në librarin Buzuku. Pas dy ditësh, të interesuarit do të mund ta gjejnë librin përsëri në librarinë Buzuku./ KultPlus.com