Gazeta e parë dhe e vetme shqiptare online mbi artin dhe kulturën nga sonte ka një pamje dhe imazh të ri.

Ende pa u mbushur katër vite punë, dhe rreth 54 mijë pëlqime në faqen tonë në Facebook, KultPlus vjen me një pamje të freskuar, me një imazh më ndryshe, gjithmonë brenda kornizave të seriozitetit dhe profesionalizmit që na karakterizon.

Rubrikat tona, përmendim këtu librin, filmin, muzikën, showbizin, teatrin, trashëgiminë kulturore, shkrimet e veçanta për më të vegjlit, të gjitha do të mbesin të njëjta. Poezia, një prej dashurive të lexuesve të KultPlusit, do të jetë tash e tutje një rubrikë në vetvete, me poezi nga shkrimtarë të ndryshëm dhe shpesh edhe me poezi të dërguara nga lexuesit tanë.

Krahas pamjes dhe imazhit, KultPlus nga sonte është i përshtatshëm edhe për pajisje mobile (responsive) Më afër me gazetën tonë do të mund të jeni nëse e shkarkoni aplikacionin në telefonin tuaj, prej ku do ti merrni lajmet në kohë reale. / KultPlus.com