Shkrimtari shqiptar Ismail Kadare nominohet për Booker International Prize 2024. Kadare u bë fituesi i parë i këtij çmimi në 2005 dhe ishte nominuar sërish në 2017 me romanin “Kamarja e turpit”.

“Kur sunduesit grinden” rrëfen fatin e qindra autorëve që shkruanin në kohën e diktaturës.

Në një vështrim të parë, krijohet përshtypja se kureshtjen për librin e mbajnë gjallë dy bashkëbiseduesit: Stalini dhe Pasternaku. Nga një shqyrtim më i thellë, një personazh i tretë, më pak i njohur se ata, poeti Osip Mandelshtam, ndonëse nuk merr pjesë në bisedim, zë vendin kryesor në të.

Është fati i tij i hidhur, në të vërtetë fati i qindra shkrimtarëve të njohur e më pak të njohur, që vuajtën nën komunizmin bolshevik. E vërteta e tyre tragjike, në vend të harresës, pret ringjalljen e saj.

Tani që ky rend ka rënë, hapja e arkivave dhe dosjeve të tij është çështje e ditës.