Atë mëngjes fundvere në Stokholm, më 20 gusht 2018, bën nxehtë i pabesueshëm. Dhe siç thuhet edhe në TV, muajve të fundit temperaturat kanë qenë vluese, ndoshta shkaku i zjarreve të shumta që kanë rënë në gjithë Suedinë.

Atë ditë, Greta Thunberg që atëherë ishte pesëmbëdhjetë vjeçe, nis grevën e saj para ndërtesës së Parlamentit: nuk mund të pritet më, politikanët duhet të bëjnë diçka për të shpëtuar planetin.
Është #fridaysforfuture i parë në histori.

“Përgatituni të lexoni një tregim shprese, guximi dhe vendosmërie. Kjo është historia e vërtetë e Greta Thunberg-ut, por edhe ajo e shumë vajzave dhe djemve të tjerë në gjithë botën, të gatshëm të luftojnë kundër indiferencës së të rriturve, në emër të një të ardhme më të mirë. Sepse nuk je kurrë shumë i vogël për të bërë ndryshime të mëdha.

Sëmundja e Greta Thunberg

Greta nuk ka qenë gjithmonë një heroinë guximtare, e njohur në gjithë botën për vendosmërinë e vet. Para se të fillonte aventurën para Parlamentit Suedez ishte një vajzë e çuditshme, e heshtur dhe ndrojtur. Nga ato nxënëset që i ndjekin mësimet në heshtje, të ulura më vete, në një bankë në rreshtat e fundit. Në jetë nuk i kishte ndodhur ndonjë gjë e veçantë, asgjë që të linte të kuptoje se një ditë do të bënte që qindra e mijëra të rinj të ndiqnin shembullin e saj. Libri është botuar nga “Magjia e Librit”, dhe shitet në librari të ndryshme. Librin mund ta gjeni edhe në KultPlus Caffe Gallery, si dhe te “Dukagjini” e “Toena”. Çmimi i këtij libri është 5 euro./KultPlus.com