Medalja e çmimit Nobel që Doris Lessing, e fitoi në vitin 2007 do të shitet në ankand javën e ardhshme, me një çmim mbi 150,000 funta, përcjellë KultPlus.

Çmimi për këtë medalje nga Christie’s, kap shifrat nga 150,000 deri në 250,000 funta kurse vetëm një medalje tjetër për letërsinë ka arritur të shitet më parë në ankand. Ishte medalja e Andre Gide, e cila u shit në Paris vitin e kaluar për 300,000 euro.

Sotheby e vuri medaljen e fituesit të Nobel, William Faulkner për ankand në Nju Jork në vitin 2013, me një çmim prej 500 mijë deri në 1 milion dollarë, por nuk gjeti asnjë blerës.

Në moshën 87 vjeçare, Lessing ishte fituesja më e vjetër e çmimit Nobel për Letërsi. E lindur në Persi, Lessing u rrit në Rodezia dhe e braktisi shkollën në moshën 13 vjeçare. Ajo ishte një lexuese e pangopur dhe prindërit e furnizonin atë me libra nga Anglia. Në leksionin e saj gjatë ceremonisë të Nobel, ajo foli për pabarazinë që kishte parë dhe rëndësinë e librave që ajo të behet një shkrimtare./KultPlus.com