Në përkujtim të përvjetorit të vdekjes së Xhelaludin Rumi (1207-1273), Muzeu i Qytetit të Mitrovicës organizon një natë poetike, për nder të fjalës së tij të shkruar. 

Xhelaludin Rumi njihet si udhërrëfyes shpirtëror, si dhe një ndër poetët më të mëdhenj të Lindjes, por edhe historisë së letërsisë botërore. Rumi ka thurur mbi 3200 gazale (poezi dashurie), dhe rreth 40 mijë dyvargëshe të përshkruar nga ndjesia e dehjes shpirtërore prej dashurisë ekstatike.

Poezitë të shqipëruara të Rumit do të lexohen nga Fisnik Istrefi dhe Mevlude Skuroshi, ndërsa për muzikën do të përkujdeset Anisa Suhodolli Mujka

Mbrëmja poetike do të mbahet sonte duke filluar nga ora 19:00 në Muzeun e Mitrovicës.

 Organizatorët ju ftojnë që të deheni nga dashuria e tij për dashurinë.

“Një jetë pa dashuri oshtë e pa vlerë
Dashnia o’ uji i jetës
Pije me zemër e me shpirt!
Rumi”