PEN Qendra e Kosovës e vazhdon aktivitetin e vet kultuor kushtuar figurave të ndjera letrare të vendit. 

Në kuadër të këtij aktiviteti, me projektin “Ora e shkrimtarit”, nesër, 19 tetor, në Cafffe galerinë Kultplus, PEN Qendra e Kosovës organizon një mbrëmje përkujtimore për shkrimtarin dhe simbolin e rezistencës kombëtare Adem Demaçi.

Për figurën dhe veprën e Demaçit do të flasin Avni Spahiu dhe Haqif Mulliqi. Mbrëmjen e udhëheq Ibrahim Berisha..

Aktiviteti fillon në orën 17.00.

Në vazhdim të aktiviteteve kulturore të PEN Qendrës së Kosovës janë paraparë edhe tetë mnbrëmje të tjera kushtuar shkrimtarëve të ndjerë: Ibrahim Rugova, Anton Pashku, Hasan Mekuli, Jusuf Gërvalla, Xhemail Mustafa, Rifat Kukaj, Mensur Raifi dhe Mirko Gashi.

Projektin “Ora e shkrimtarit” të PEN Qendrës së Kosovës e përkrah Ministria e Kulturës, Rinisë dhe Sportit./ KultPlus.com