Seminari i XXXVII-të Ndërkombëtar për Gjuhën, Letërsinë dhe Kulturën shqiptare do të nis më 20 gusht 2018. Ndërsa bashkëdrejtoritë e Seminarit Ndërkombëtar për Gjuhën, Letërsinë dhe Kulturën Shqiptare, kanë përcaktuar temat boshte të edicionit XXXVII të Seminarit dhe disa nga aktivitetet qendrore.

Temat boshte të sesioneve shkencore do të jenë këto, njofton KultPlus.
Gjuhësi: Shqipja në diasporë – diaspora e shqipes
Letërsi: Topika letrare shqiptare
Kulturologji: Kultura në epokën digjitale
Temat e tryezave:
Gjuhësi: 50 vjetori i Konsultës Gjuhësore të Prishtinës
Letërsi: Skënderbeu në letërsinë shqipe
Kulturë: Edukimi medial

Si gjithmonë për gjatë dy javëve sa mbahet Seminari Ndërkombëtar për Gjuhën, Letërsinë dhe Kulturën Shqiptare organizohen kurse për mësimin e gjuhës shqipe për të huajt, ligjërata nga personalitete të studimeve albanologjike , shqiptarë dhe të huaj, referime me prezantime të të arriturave shkencore në fusha të ndryshme të gjuhës, letërsisë dhe kulturës shqiptare jashtë temave boshte të sesioneve dhe tryezave dhe aktivitete të tjera.

Seminari nis më 20 gusht 2018 dhe mbaron më 31 gusht 2018 dhe mbahet në Prishtinë. Ndërsa për detajet e konkurrimit dhe platformat e temave boshte, organizatorët kanë treguar se do të njoftojnë publikun së shpejti. / KultPlus.com