Festivali Ndërkombëtar “Ditët e Naimit” do t’i mbledhë edhe sivjet në Tetovë poetët më të njohur nga vendi, rajoni dhe bota, në aktivitetet tradicionale 5-ditore që zgjasin nga 8-22 tetor.

Sivjet, fituesi i çmimit, Naim Frashëri, është poeti zviceran, Beat Brechbuhl, i cili ka një bagazh të madh veprash letrare, që përfshijnë poezi, romane, tregime, si dhe libra për fëmijë. Veprat e tij janë botuar në disa gjuhë të botës., shkruan al.mrt.com.mk

“Juria e përbërë nga prof. dr. Ymer Ciraku, Ndue Uka dhe Isak Sherifi lauerat të këtij edicioni kanë shpallur poetin e njohur zviceran, Beat Brechbuhl”, theksoi drejtori i festivalit, Shaip Emeurllahi

“Dhënia e çmimit të Festivalit Ndërkombëtar të Poezisë “Ditët e Naimit”, për poetin nga Zvicra, Beat Brechbuhl, është vlerësim për krijimtarinë e çmuar të tij e po ashtu është vlerësim dhe nderim për rolin e çmuar të krijimtarisë letrare e cila ka meritë të kapërcimit të kufijve gjuhësorë dhe nacionalë, duke ndërtuar ura komunikimi shpirtëror mes popujve”, theksoi kryetari i jurisë, Ymer Ciraku.

Edicioni i 22-të i festivalit “Ditët e Naimit” sivjet mbështetet edhe nga Ministra e Kulturës dhe nga Komuna e Tetovës./ KultPlus.com