Ergi Dini dhe miku i tij Kejdi Halili u ndanë nga jeta tragjikisht 1 vit më parë, në një aksident me motor.Kejdi ishte djali i vetëm i gazetares, poetes dhe pedagoges Erenestina Halilit. Halili, në 1-vjetorin e ndarjes nga jeta të Kejdit ngriti meshë në Vatikan.

“Mesha e Shenjtë në altarin e Shën Pjetrit, Vatikan, për tim bir, sot në përvjetorin e tij…Zoti i bekoftë miqtë e mi, tashmë familja ime e madhe! Të Krijuesit jemi të gjithë!”, shkruante dje gazetarja Halili në faqen e saj në Facebook.

Ndërkohë ajo ka publikuar imazhe tepër prekëse nga ceremonia përkujtimore për Kejdin. Të rinj të veshur me bluza ku është e stampuar imazhi i djalit të gazetares. “Për ty bir…”, shkruan gazetarja në postimin e bërë në Facebook. Kejdi Halili ishte duke drejtuar motorin me të cilin dy të rinjtë u aksidentuan në ish-Bllok. / KultPlus.com