Fotografi gjerman Jonas von Lenthe prezantoi së bashku me arkitektin Simon Battisti dhe Ledian Bregasin, librin e tij të fundit “Responding to Particular Needs at a Precise Moment”, të libraria “28 Nëntori” në Tiranë.

Libri paraqet fotografi me arkitektura të veçanta banesash në Tiranë. Me “Responding to Particular Needs at a Precise Moment” fotografi Jonas von Lenthe hedh vështrimin e tij mbi arkitekturën e kryeqytetit shqiptar, Tiranës.

Ai fotografon qëndra të mëdha banimi të perudhës postsocialiste të cilat banorët i kanë përvetësuar nëpërmjet zgjerimit të ballkoneve dhe ndryshimeve të fasadave, si dhe ndërtesat e reja të cilat nuk duket se orientohen nga paradigma e planifikimit kombëtar.

Fotot e tij plotësohen dhe kontekstualizohen nga materiale fotografike të arkivit nga vitet 1950 dhe 1960 dhe intervista me arkitektët Simon Battisti, Ledian Bregasi dhe Dritan Mico. Me rastin e këtij aktiviteti, u publikua një përkthim në gjuhën shqipe i tri intervistave të përfshira në libër. Një instalacion i librit do të qëndrojë i shfaqur deri në dt. 23 shtator në librarinë “28 Nëntori”./a.t.a/ KultPlus.com