Shkoi lepuri tu mjeku i dhamve. Po i thot:
A ban me m’i nreqe dhamet e me m’i vu ma t’mdhaj se e kam anmikun e forte, dhelpnen.
Mjeku ja nreqi dhamet si desht lepri. Lepri ju falenderue e po shkon fushes.
Kur mrrini tu ni uje, po i kqyr dhamet e vet n’uje. Ju duken t’vogjel edhe u frigue qe s’un e sulmon dhelpnen me to. Shkoi prap tu mjeku e i tha me ja vu dhamet edhe ma t’mdhaj. At’here mjeku i tha:
Dhambe ma t’mdhaj s’kemi, po ty ba lazem me ta marue ni zemer tjeter, e un zemren s’un ta maroj!

Proza popullore e Drenicës – Anton Çetta

Anton Çetta lindi në vitin 1920 në Gjakovë dhe vdiq në vitin 1995 në Prishtinë, ishte shkrimtar, profesor letërsie e patriot shqiptar, i njohur për pajtimin e gjaqeve në Kosovë.
Ai mbaroi shkollën fillore në vendlindje, ndërsa të mesmen në Tiranë dhe Korçë. Studimet i mbaroi në Universitetin e Beogradit, ku diplomoi në gjuhë dhe kulturë romane.

“Plaku i urtë”, siç i kishte dhënë epitetin populli, kishte arritur të pajtonte me mijëra familje të hasmuara dhe dukuria e keqe e gjakmarrjes pothuajse ishte zhdukur krejtësisht deri kah mesi i viteve ’90. Në zgjedhjet e para paralele të organizuara më 1992, Anton Çetta zgjidhet deputet në Parlamentin e Republikës së Kosovës nga radhët e LDK-së.