Në kuadër të fushatës kombëtare “Takohemi për një libër” në Shqipëri, sonte në Tiranë vjen një takim ku do të flitet për letërsinë e huaj dhe shqipërimin e saj.

Ilia Lengu, Aida Baro, Edvin Cami e Maklena Nika janë përkthyesit që vijnë këtë natë për të ndarë me audiencën përvojën e tyre në përkthimin e veprave, për ti bërë ato sa më të dashura për lexuesin shqiptar.

Në qendër të takimit do të jetë leximi i veprave nga Paul Eluard, Camus, Aragon, Nikos Kazantzakis, Robert Musil, Goliarda Sapienza, shqipëruar me mjeshtëri nga përkthyesit e këtij paneli.

Diskutimi do të ndodhë në ora 18:00 në Friends Books House në Tiranë, ndërsa moderatore do të jetë Manjola Nasi, shkruan KultPlus.

Nisur nga përvoja e vitit të kaluar ku fushata përfshiu gjithë vendin, edhe këtë vit në fushatë të ftohen për bashkëpunim bibliotekat, libraritë, shkollat, universitetet, bashkitë si dhe të gjitha institucionet kulturore në vend.

Fushatë në mbarë vendin, me mbi 200 aktivitete leximi ku përfshihen shkollat, bibliotekat e rretheve, libraritë, etj. Aktivitetet do të angazhojnë të gjitha hallkat e librit: autorë, përkthyes, botues, redaktorë, mësues, nxënës e studentë, artistë, etj. / KultPlus.com