Vjen në gjuhën shqipe vepra “Shqipëria: ndërtimet, kostumet dhe veglat në Shqipërinë e Veriut” nga Franz Baron Nopcsa, pjesa e parë, shkruan KultPlus.

Shtëpia botuese “Cuneus” sjellë këtë përkthim nga albanologu i mirënjohur Franz Baron Nopcsa që në shqip vjen nga shkrimtari Arif Kutleshi.

“Franz Baron Nopcsa njihet si një prej albanologëve më të shquar për vrojtimet, përshkrimet, analizat e krahasimet e kulturës e jetës shqiptare. Ky libër sjell edhe një aspekt të studimit të tij esencial për kulturën materiale të shqiptarëve, të cilët ai i kishte vizituar, njohur e analizuar prej së afërmi. Për secilin studiues të studimeve shqiptare ky libër është më se i nevojshëm si referencë themelore”, thotë Arsim Canolli, antropolog i kulturës.

Për lexuesit e botimeve “Cuneus”, libri do të dalë për herë të parë në Panairin e Librit në Prishtinë më 5-10 qershor 2018./ KultPlus.com