Flakë të mëdha e kanë përshkuar para pak minutave fasadën e jashtme të një objekti të një fakulteti të Universitetit të Prishtinës, afër Institutit Albanologjik.

Ekipet e zjarrfikësve kanë ardhur në vendin e ngjarjes dhe janë duke bërë përpjekje për ta shuar zjarrin, transmeton kallxo.com.

Sipas dëshmitarëve të rastit, nuk ka të lënduar mirëpo vetëm dëme materiale.

Zëdhënësja e Policisë së Kosovës, Flora Ahmeti, në një prononcim për Telegrafin ka thënë se ekipet policore dhe zjarrfikësit janë në vendin e ngjarjes.

Sipas saj, sapo e kanë marr informatën në orën 15:20 policia ka dal në vendin e ngjarjes.

“Dëme materiale ka, mirëpo për të lënduar ende nuk është raportuar”, ka thënë Ahmeti.