Çelisti kroat Stjepan Hauser, dhe anëtari i 2Cellos ka publikuar performancën e tij së bashku me kitaristin shqiptar, Petrit Çeku të mbajtur më 6 tetor në Zagreb.

Ata kanë performuar Arian (Cantilena) – “Bachianas Brasileiras No. 5” të kompozitorit brazilian, Heitor Villa – Lobos, së bashku me Orkestrën e Filarmonisë së Zagrebit në “Lisinski Concert Hall” në Zagreb.

Hauser tregons e ishte një moment magjik që ndjeu gjatë kësaj performance, në të cilën për një moment e gjithë bota ndalet.

“Video e re nga koncerti klasik me të mrekullueshmin Petrit Çeku. Ndonjëherë ka momente në muzikë që janë aq magjike sa ndjeni se e gjithë bota ndalet për disa çaste, koha nuk ekziston, dhe për mua të performoja këtë Aria të bukur ishte një prej atyre momenteve, shijojeni”, ka shkruar Hauser në Facebook. / KultPlus.com