31 vjet janë bërë nga ndarja nga jeta e kompozitorit Lorenc Antoni, një prej personaliteteve më të çmuara të muzikës dhe figurave më emblematike të kulturës shqiptare në Kosovë.

Në fushën e studimit të folklorit, Lorenc Antoni mblodhi dhe botoi shtatë vëllime të muzikës popullore shqiptare të Kosovës, Maqedonisë dhe Malit të Zi.

Antoni i takon brezit të parë të kompozitorëve të Kosovës dhe veprat e tij bazohen në idiomën muzikore popullore shqiptare. U lind në Shkup (1905). Si fëmijë aktivizohet në ansamble të ndryshme muzikore të shqiptarëve. Ka studiuar në Fakultetin Filozofik në Shkup derisa edukimin muzikor e mori privatisht në Shkup dhe Beograd. U nda nga jeta me 21 tetor të vitit 1991 në Prishtinë. KultPlus ju sjell veprën “Na ka dalë nusja e mirë”./ KultPlus.com