Këngëtarja e njohur britanike – Adele e njohur për iniciativat e saj humanitare, po vazhdon të tregojë mbështetjen e saj për të mbijetuarit e fatkeqësisë nga zjarri që ndodhi në muajin qershor, në Grenfell Tower në Londër, shkruan ‘Yahoo’, përcjellë KultPlus.

Së fundmi, 29 vjeçarja ka menduar për argëtimin e fëmijëve të viktimave të kësaj tragjedie, duke organizuar për ta një mbrëmje filmi në kinema, për të parë filmin e famshëm për fëmijë ‘Despicable Me 3’.

Përveç se u kënaqën me ‘Minions’ – personazhe shumë të dashura këto nga shumë fëmijë nga mbarë bota, fëmijët patën mundësinë edhe të bisedojnë dhe të fotografohen me Adele, e cila është shumë e dashur me fëmijë, shkruan KultPlus.

Kjo nuk është hera e vetme që Adele ka treguar mbështetjen e saj për të prekurit nga zjarri në Grenfell Tower. Ajo ka mbledhur dhe po vazhdon të mbledhë para për t’u ndihmuar të prekurve.

Gjyshërit e disa prej fëmijëve të mbijetuar, të cilët u bënë pjesë e organizimit të Adele për të parë
filmin, postuan një fotografi në rrjetin social Twitter.

‘E mahnitshmja Adele ka dërguar fëmijët tanë në kinema duke treguar shumë dashuri për fëmijët e #Grenfell. Faleminderit shumë!’ kanë shkruar ata poshtë fotografisë ku shihet Adele bashkë më fëmijët.
Të paktën 80 vetë humbën jetën në zjarrin e Grenfell dhe mbi 158 familje u prekën nga fatkeqësia. /KultPlus.com