Këngëtari i famshëm kolumbian J Balvin që ka sjellë hite të mëdha verore, së fundi është duke punuar në prezantimin e këngës më të re në bashkëpunim me këngëtaren e suksesshme braziliane Annita, shkruan KultPlus.

Dhe pikërisht në videoklipin e kësaj kënge është përfshirë edhe aktori shqiptar Marko Caka, i cili për këtë projekt ka konfirmuar për KultPlus.

KultPlus merr vesh që përzgjedhja e dy këngëtareve dhe e regjisorit Bruno ka qenë që aktori shqiptar Marko Caka të jetë pjesë e këtij videoklipi, ku aktori me lansimin e kësaj kënge do të shihet në krah të dy këngëtareve në skenat e nxehta dhe në lojërat e fatit të kazinos, skena që thuhet të ngjasojnë me historinë e Toni Montanës, ku mania për paranë shtyn të bësh gjithçka.

Sipas Cakes është privilegj i madh te jesh lider kryesor në videoklipin e dy këngëtarëve më të suksesshëm latin dhe me famë botërore, Anita dhe J Balvin.

“Madje me këtë të fundit kishim shumë biseda në lidhje me Shqipërinë dhe e njihte shumë mirë vendin tonë dhe ka shumë respekt për shqiptaret”, ka thënë Caka për KultPlus, i cili shpjegoi se ai ka treguar edhe për dëshirën e tij për një koncert në Shqipëri, duke potencuar edhe turin që do të mbajë në Evropë, dhe nëse do të ftohej nga Shqipëria, ai me kënaqësi do të jetë i pranishëm edhe në Tiranë.

“Akoma ndjehem i surprizuar me rolin, sepse produksioni brazilian ka pritshmëri të madhe me këtë këngë, për shkak të popullaritetit të këngëtarëve ata presin deri në tre miliard views”, ka thënë Caka, i cili ka thënë se në këtë videoklip ka marë pjesë bashkë me aktorë e modele të njohuar nga e gjithë bota./KultPlus.com