Duo/bendi nga Prishtina, “Oborri”, kanë lansuar videon për këngën e tyre “Gjuj me dritë”. 

Regjinë e spotit e ka realizuar Dritëro Mehmetaj, ndërsa aktorë kryesor në këtë projekt janë Rinesa Qeriqi si dhe aktori i filmit “Shok”, Andi Bajgora. 

Kjo këngë sheh zhvillimin e Oborrit drejt një fryme të paeksploruar më heret, ku vërehen ndikimet e zhanrit hip-hop, pop dhe poezisë direkte.

Ajo paraqet një reflektim të çiltër të jetës kaotike e klaustrofobike të Prishtinës e shoqërisë Kosovare, gjithmonë duke dhuruar një shpresë të fuqishme përgjatë narracionit përplot emocion njerëzor.

Oborri ka lansuar albumin e tyre debutues të vetë-titulluar në gusht 2017 të cilin mund ta bleni nepër pika të ndryshme Kosovë apo online. / KultPlus.com