Muzeu Historik Kombëtar në bashkëpunim me Ambasadën e Japonisë, do të zhvillojnë sot në sallën e UNESCO ora 19.00, një performancë “Shakuhachi” nga Yosuke Irie.

Artisti Yosuke Irie, do të performojë në Shqipëri për herë të parë. Ai do të luajë muzikë tradicionale, gjithashtu edhe moderne.

Yosuke Irie është një instrumentist i njohur japonez i “shakuhachi” i cili deri tani ka performuar në shumë vende, duke promovuar kulturën japoneze, por edhe paqen midis kombeve gjatë vizitave që bën në vende të ndryshme. Stili specifik i Irie është i tillë pasi ai kombinon teknikat tradicionale dhe moderne të lojës në instrument, duke krijuar një tingull unik dhe duke komunikuar mesazhe specifike.

Shakuhachi është një flaut tradicional japonez që u soll në këtë vend nga Kina në fillim të periudhës Edo, shekulli i 17-të. Instrumenti përdoret ndonjëherë prej priftërinjve budistë në meditim. Instrumenti prodhohet prej drurit të bambusë. /j.p/a.t.a/ KultPlus.com