Këngëtarja shqiptare, Dafina Zeqiri ka paralajmëruar këngën e saj të re “King”, si dhe përmbledhjen e këngëve me të njëjtin titull.

Ajo ka konfirmuar se lansimi i kësaj përmbledhje këngësh do të bëhet më 10 nëntor, transmeton Koha.net.
“King” është një këngë për fuqizimin e grave, diçka që shihet edhe në foton e publikuar në Instagram.

Fytyra e Dafinës është e mbuluar me emra të femrave të fuqishme, duke filluar nga Shën Teresa, Sojourner Truth, Ellen DeGeneres, Beyonce etj.

“Siç mund ta shihni ballinën, kemi aq emra të grave sa janë përshtatur, të cilat kanë luftuar për barazi, luftuan për të drejtat e tyre, për ëndrrat, pasi në shumë vende ende nuk mund ta bësh këtë”, ka thënë ajo për Bazaar, duke cituar vështirësitë në të cilat kishte kaluar nëna e saj në ndjekje të karrierës si këngëtare në Kosovë./KultPlus.com