Janari i vitit 2017 solli një nga hitet më të mëdha në tregun muzikor global.

Ishte ky hiti “Despacito”, këngë e kënduar nga Luis Fonsi, Daddy Yankee dhe Justin Bieber.

Deri më tani, kjo këngë ka kaluar shifrën e pesë miliardë klikimeve në YouTube, duke u bërë videoja më e klikuar ndonjëherë në historinë e këtij kanali.

Ndërkohë, “Billboard” ka bërë të ditur së fundmi se kjo këngë ka thyer gjithsej edhe shtatë rekorde botërore të Guinness.

Janë gjithsej këto rekorde që “Despacito” theu në një afat kohor prej një viti e gjysmë:

* Kënga që qëndroi më së shumti javë në top listën Latine të Billboard
* Videoja muzikore më e shikuar online
* Videoja muzikore më e pëlqyer onlne Videoja muzikore më e shikuar në YouTube
* Kënga më e dëgjuar në botë
* Videoja e parë në YouTube që ka arritur 5 miliard shikime
* Videoja më e shikuar online.

I lumtur për këtë gjë, Luis Fonsi publikoi në rrjetet sociale një fotografi, ku shfaqej me shtatë mirënjohjet e marra nga Guinness, shkruan telegrafi./ KultPlus.com