Chavela Vargas – Que te Vaya Bonito

Dhashtë Zoti, të shkoftë jeta mbarë
Dhashtë Zoti që dhimbjet tua të marrin fund
Dhashtë Zoti të të tregojnë se unë më nuk jetoj
Takofsh njerëz më të mirë se unë.

Të të japshin çka unë nuk munda të të jap
Edhepse ti dhashë të gjitha
Megjithatë, më nuk të pengoj
Të adhurova, të humba, tash asgjë nuk ka kuptim.

Ref:
Sa shumë gjëra bashkë i mësuam,
deri në fundin e oqeanit të zemrës sime
Sa shumë dritë ende ke lënë ndezur
e tash nuk di si ti ndaloj.

Dhashtë Zoti dashuria ime nuk të dhemb
E njëjtë, Zoti bëftë që ti të më harrosh
I paç venat e mbushura me gjak
E një jetë të mbushur me fat.

Tash nuk e di nëse dashuria jote më mbyt
Çelik shpirtin e kam, si grua
Mos t`më thotë askush se jam frikacake
Pa e ditur se sa shumë unë të dua.

Një këngë e njohur nga Chavela Vargas është “Que te vaya bonito”. Chavela ishte një prej këngëtareve më të njohura në Meksikë, me origjinë nga Kosta Rika. Chavela për shumë vite ka kënduar nëpër rrugë, derisa u bë një zë i njohur.

Në moshën 81 vjeçare ajo doli publikisht si lezbike, një lajm ky jo i ri për fansat e saj të cilët e panë ndër vite dashurinë e saj për gruan.

Tekstin e këngës e përktheu nga spanjishtja A.Selmani. / KultPlus.com