Më 07 Gusht, do të reflektojmë hyjneshat brenda nesh përmes performancës së Kangëve të Çikave në Kalanë e qytetit, shkruan KultPlus.

Grupi do të interpretojë këngë popullore të çikave me Def, të cilat këndohen për të shënuar ceremoni të ndryshme shoqërore.

Performanca do të përfshijë edhe këndimin e rrallë dhe karakteristik me gisht në fyt, specifik për bareshat në Kosovë dhe që shërbente si një mënyrë për të komunikuar në distancë.

Për shumë vite, këto këngë ishin një nga mënyrat e pakta për femrat kosovare që të shprehnin veten. Ato na tregojnë histori të sinqerta dhe zëra shumë shpesh të padëgjuar dhe për ne janë një festë e forcës dhe krijimtarisë së femrave të Kosovës.

Performanca është organizuar në bashkëpunim dhe me mbështetjen e CHwB, me qëllim të përbashkët për të shënuar trashëgiminë shpirtërore të Kosovës.

Performueset janë :Merita Rama, Vahide Jusufi, Minivere Borovci, Egzona Ramaj, Rozafë Neziri, Kosovare Qerkini, Shqiponjë Grajqevci, Mimoza Hamiti dhe Gentiana Krasniqi./ KultPlus.com

https://web.facebook.com/dokufestprizren/videos/2204026796336281/