Eleni Foureira ishte shumë pranë triumfit në edicionin e 63-të të Festivalit Evropian të Këngës – ‘Eurovision 2018’.

Pas votave të jurisë, këngëtarja shqiptare, e cila e përfaqësoi Qipron, ishte e pesta në renditje, mirëpo kur u përfshinë edhe votat e publikut – ajo ishte në përballje të drejtpërdrejtë me fituesen.

Por, publiku kishte vendosur që fitoren t’ia jepte përfaqësueses së Izraelit, Netta (me 529 pikë), duke e lënë Elenin në vend të dytë (me 436 pikë). Sidoqoftë, 31-vjeçarja nuk është zhgënjyer që nuk fitoi, porse është shprehur e kënaqur me këtë arritje duke i falënderuar të gjithë ata që e mbështetën.

“Faleminderit shumë Evropë për dashurinë dhe mbështetjen! Nuk do ta harroj kurrë këtë përvojë! Ky është vetëm fillimi”, ka shkruar këngëtarja në Instagram duke i falënderuar më pas edhe bashkëpunëtorët.

Thank you so much Europe for your love and your support! I will never forget this experience! This is just the beginning. Thank you @jeanbaptistegroup @celia.caap @marlene.lindahl @keishamalaika @bengtssonlovisa without you all of this would never have been possible. Thank u @rik_cybc for giving me this opportunity, and Cyprus I hope I made you proud. Thank you @alexpmusic_ @iamteddysky @victorysvensson @wrethov @didrickofficial for creating the song that burned all Europe! Thank you @panik_entertainment_group @garsenakos @liapap for being by my side all these years. #fuego #temacyprus #love #eurovision 🔥

A post shared by Eleni Foureira (@foureira) on May 13, 2018 at 4:59am PDT

Eurovisioni i këtij viti ishte i veçantë për shqiptarët, pasi konkurruan tre shqiptarë dhe që të tre ishin të pranishëm në natën finale, shkruan Telegrafi.

Ermal Meta (me bashkëpunimin me Fabrizio Moron), i cili e përfaqësoi Italinë, u rendit i pesti (me 308 pikë).

Ndërkaq, përfaqësuesi i Shqipërisë, Eugent Bushpepa, zuri vendin e 11-të me këngën Mall.