Këngëtarja e talentuar, Erjona Sylejmani, është shqiptarja e parë që ka arritur marrëveshje me labelin holandez, “Spinnin’ Records”, përcjell KultPlus.

Sylejmani për KultPlus thotë se karriera e saj muzikore filloi në moshën 13-vjeçare kur ajo filloi të publikojë covera të këngëve të ndryshe, e ai i cili u bë më viral dhe që i hapi rrugë këngëtares është coveri i këngës ‘Dance Monkey’.

View this post on Instagram

A post shared by World’s Best Voices (@wbvlive)

“Fillimisht kam filluar me postimin e coverave të këngëve që më kanë pelqy deri sa njëri prej tyre u bë viral. Prej aty më ka gjetur një producent në Gjermani i cili më ka vënë në kontakt me një producent tjetër në Brazil me të cilin bëra bashkëpunimin e parë “Heathens” qe ka pasë nje sukses të jashtëzakonshëm duke marrë 15 milion streems ne spotify dhe 4,7milion Youtube.”- thotë ajo për KultPlus.

Poashtu, Sylejmani tregon që gjatë kohës së karantinës ajo filloi të punojë në këngën ‘Hangin trees’ e që u publikua dhjetorin e kaluar. ‘Hanging trees’ deri më tani ka arritur 1,6 milion streems ne spotify dhe 1,1 milion klikime në Youtube dhe njëkohësisht është përfshirë në tracklist-at e disa prej Dj më të famshëm në botë duke përfshirë edhe Tieston.

Sylejmani poashtu, tregoi ndau me KultPlus edhe rrugën deri tek arritja e marrëveshjes me kompaninë e muzikës elektronike.

“Vokalet e mia kanë rënë në duart e një prej producentëve më të famshëm në botë për EDM Alok, i cili ka jep projektit nje shtytje të madhe duke na lidhur me nje producent tjetër me shume ndikim dhe njekoheshmisht duke na dhënë edhe biletën per “Spinnin’ records”.”-shtoi ajo.

Ndërkaq, këngëtarja shqiptare paralajmëron se pas publikimit të projektit të fundit ajo ka filluar të punojë edhe me disa producentë ndërkombëtarë dhe para verës do të publikojë këngën e radhës./ KultPlus.com