Drejtoria Rajonale e Trashëgimisë Kulturore Vlorë, për të gjashtin vit radhazi, organizon Festivalin Folklorik “Gurra Folk Fest”, një garë folku midis shkollave të mesme të Qarkut të Vlorës. Festivali “Gurra Folk Fest” aktualisht është në momentet e fazës përzgjedhëse për edicionin e tij të 6-të.

Ditën e djeshme, në Livadhia, Bashkia Finiq, u realizua takimi seleksionues i shkollave të mesme, për bashkitë: Sarandë, Delvinë, Konispol, Finiq. Rreth 150 nxënës u ngjitën në skenën “Katina Papa”, Livadhia, veshur me kostume popullore shumëngjyrëshe, si dhe me performancë të lartë artistike, duke elektrizuar gjithë sallën.

DRTK Vlorë falenderoi mësuesit dhe nxënësit e të gjitha shkollave, për angazhimin serioz dhe punën, për të sjellë një performancë sa më dinjitoze në skenë. Pjesëmarrje mahnitëse dhe performanca të shkëlqyera sollën shkollat:

“Bido Sejko”, Konispol;

“Lefter Talo”, Livadhia;

“Sulejman Delvina”, Delvinë;

“Hasan Tahsini”, Sarandë;

“Dea-2001”, Sarandë;

“Antoni Athanas, Sarandë./atsh/KultPlus.com