Fituesi i Eurovizionit të kaluar, Salvador Sobral, e ka kritikuar këngën e Izraelit këtë vit në Eurovizion duke e quajtur atë të tmerrshme.

Këngëtarit portugez nuk i ka pëlqyer aspak kënga e Izraelit nga këngëtarja Netta dhe “vallëzimi i pulave”.
Netta dhe kënga TOY në fakt është favoritja e dytë për ta fituar nesër mbrëma Eurovizionin.
Në një intervistë për gazetën Publica ai është shprehu se nuk ka dëgjuar asnjë nga këngët garuese përveç të Portugalisë dhe të Izraelit, dhe këtë të fundit e ka quajtur të tmerrshme.

“Fatmirësisht këtë vit nuk kam nevojë që të dëgjojë këngët. Unë kam dëgjuar vetëm këngën e Portugalisë dhe të Izraelit dhe kjo pasi që YouTube më ka detyruar në një mënyrë duke menduar se do të më pëlqente mirëpo kur e kam klikuar kam dëgjuar një këngë të tmerrshme”, është shprehur ai.

Kënga e Izraelit është cilësuar si favorite nga disa sondazhe duke pasur prapa vetës këngën nga Qipro dhe Norvegjia.

Netta nga Izraeli nuk ka komentuar rreth këtij vlerësimi por veç ka dërguar mesazhe dashurie për të gjithë pjesëmarrësit në Eurovizion.
Këngëtari 28 vjeçar Salvador Sobral, do të rikthehet në Eurovizion të shtunën me 12 maj për të performuar në finale. Sobral ia solli fitoren e parë Portugalisë në Eurovizion në tërë historinë e festivalit. / KultPlus.com