ABBA ka regjistruar muzikë për herë të parë pas 35 vitesh, ata këtë e kanë bërë të ditur për faqen suedeze të Afton Bladet, përcjellë KultPlus.

Ky bashkim ka rezultuar në dy këngë të reja dhe njëra prej tyre “I Still Have Faith In You” do të performohet nga kopjet digjitale për një produksion të veçantë për NBC dhe BBC që pritet të transmetohet në dhjetor.

“Të katërtit mendonim se, pas rreth 35 vjetësh, mund të ishte kënaqësi të bashkoheshim përsëri dhe të shkonim në studiot e regjistrimit. Dhe ne e bëmë këtë. Ishte sikur të kishte kaluar një kohë shumë e shkurtër dhe sikur të ishim larguar vetëm për pushime”, kanë treguar ata.
Vetëm dy ditë më parë, fantast ishin të gëzuar ta dëgjonin lajmin se grupi ABBA po rikthehet, por ata nuk do të jenë personat që do këndojnë apo vallëzojnë.

Anëtarët e grupit do të kenë pamjen ashtu siç e kishin në kulmin e karrierës së tyre në vitin 1979, në saje të pajisjeve të teknologjisë së lartë.

Këngëtarja Björn Ulvaeus, 72, zbuloi lajmin e koncerteve gjatë një fjalimi në Bruksel. Shfaqja dy-orëshe pritet të transmetohet nga BBC në Britani. Ndërsa, një turne botëror është planifikuar në vitin 2019 ose 2020, gjë që mund të sjellë të ardhura të mëdha në shitjet e biletave, sipas Times.

Ekspertët e Silicon Valley po përdorin video të vjetra për të replikuar se si grupi kërcenin, visheshin dhe këndonin në mënyrë që kopjet digjitale të programohen për të risjellë hite si Waterloo, Mamma Mia dhe Dancing Queen.

Grupi shiti më shumë se 400 milionë albume, por nuk kanë perfomuar që nga viti 1986, përveç në një festë private në vitin 2016.
Nëse kjo do jetë e suksesshme, teknologjia do ta lejojë grupin të mbajë koncert kudo në botë pa qenë të famshmit të pranishëm.