Ministria e Kulturës, Rinisë dhe Sportit ka njoftuar se këngëtarja Vesa Luma ka festuar 20 vjetorin e karrierës me një koncert të veçantë në Prishtinë.

Për publikun riktheu në skenë hitet e saj të krijuara ndër vite dhe po ashtu përplot këngë të bukura shqipe. Në një performancë plot energji dhe interpretim të mrekullueshëm, Vesa solli emocion tek të gjithë të pranishmit.

Në këtë ngjarje të pranishëm ishin kryeministri Albin Kurti, ministri Çeku, ministri Vitia, ish presidentja e Kosovës, Atifete Jahjaga, personalitete nga fusha e muzikës e shumë qytetarë.

Koncerti është mbështetur nga Ministria e Kulturës./ KultPlus.com