Ashtu sikundër pritej, pas përfundimit të afatit për pranimin e këngëve deri më datë 10 nëntor, sot është bërë edhe përzgjedhja e tyre.

Në një garë me gjashtëdhjetë këngë, njëzet e dy janë ato që do të interpretohen në netët live të festivalit.

Qëllimi i organizatorëve ka qenë të gjejnë një formulë të ekulibruar midis kthimit të këngëtareve me përvojë në skenën e festivalit, por pa harruar edhe freskinë e të rinjve të talentuar dhe adrenalinës së grupeve në skenë. Tre grupe të gjeneratave të ndryshme do të jenë pjesë e një gare të përbashkët për këngën më të mirë të këtij festivali, i cili e ka ngritur me kohë siparin.

Renditja e mëposhtme është bërë në bazë të rendit alfabetik dhe përjashton çdo mundësi hamendësimi për renditje sipas numrit të pikëve.

Artemisa Mithi
Boiken Lako
David dhe Genc Tukiçi
Denisa Gjezo
Elton Deda
Ergi Bregu
Evans Rama
Eugent Bushpepa
Grupi “Akullthyesit”
Grupi “Lynx”
Grupi “Na”
Inest Neziri
Lorela Sejdini
Manjola Nallbani
Mariza Ikonomi
Orgesa Zaimi
Redon Makashi
Rezarta Smaja e Luis Ejlli
Stefi dhe Endri Prifti
Tahir Gjoci
Voltan Prodani
Xhesika Polo