Santino de Bartolo është një arbëresh i cili do të jetë i pranishëm në koncertin e 28 Nëntorit, ndërkohë që Shqipëria feston 111 –vjetorin e pavarësisë së saj, por do jetë i pranishëm edhe në festivalin e dhjetorit.

Ai ishte i ftuar këtë të diel në “Review” në Euronews Albania ku ka dhuruar edhe një performancë shumë të bukur në shqip.

Kitaristi tha ndër të tjerat se do donte të mësonte shqip, ndërsa ka zbuluar se ka bërë tatuazh simbolin tonë, shqiponjën.

Ai gjithashtu ka treguar se përse është bërë pjesë e festivalit të dhjetorit

“Ishte një ide e improvizuar e imja, kisha dëshirë të merrja pjesë në festivalin e këngës. Kjo është një aventurë, është një fitore për mua të jem pjesë në këtë festival”, tha De Bartolo./euronewsalbania/ KultPlus.com