Këngëtarja e grupit The Cranberries, Dolores O’Riordan, e ka shkruar për dhjetë minuta një këngë për Bosnjën.

Dolores, e cila ndërroi jetë vitin e kaluar dhe shokoi industrinë e muzikës me ikjen e saj nga kjo botë, në vitin 1996 shkroi një këngë për Sarajevën dhe Bosnjën, shkruan KultPlus.

Kënga “Bosnia” është pjesë e albumit “To be faithful departed”, aty ku janë përfshirë edhe këngët “War Child”, “Free to decide” apo “Hollywood”.

Kënga për Bosnjën vjen menjëherë pas disa viteve luftë në Bosnjë dhe në kryeqytet – në Sarajevë.

“Kam qenë e shokuar nga ngjarja në Bosnjë dhe sidomos nga pamjet e tmerrshme me fëmijët dhe vuajtjet e tyre. Këngën e kam shkruar për dhjetë minuta, e emocionuar tej mase” pati treguar këngëtarja asokohe kur e realizoi këngën.

“Kënga është për fëmijët të cilët vuajnë në një luftë të cilën nuk e nisën ata vetë. Fëmijët asnjëherë nuk e nisin një luftë” pati treguar Dolores, e cila ndërroi jetë dje. Ende nuk dihet shkaku i vdekjes. / KultPlus.com