Rok grupi Linkin Park (Rob Bourdon, Brad Delson, Mike Shinoda, Dave Farrell dhe Joe Hahn) ka performuar për herë të parë që nga vetëvrasja e këngëtarit Chester Bennington, më 20 korrik.

Linkin Park, së bashku me miqtë, dhanë një koncert madhështor për nder të Benningtonit në amfiteatrin Hollywood Bowl, transmeton Koha.net.

HollywoodLife raporton se në këtë koncert performuan edhe Blink-182, Machine Gun Kelly, Gavin Rossdale, Alanis Morissette, dhe këngëtarja shqiptare Bebe Rexha, etj.

Koncerti filloi me “The Messenger” që çoi publikun në këmbë dhe emocionoi, përderisa Mike Shinoda këndoi pjesën e Chester Benningtonit.

Bendi performoi hitet si “One Step Closer”, “Somewhere I Belong”, “Shadow of the Day”, “Crawling”, “Numb”, etj.

Një nga momentet më emocionale ishte performanca e “One More Light”, pasi ishte një ndriqim i jashtëzakonshëm nga publiku.

Koncertin e plotë mund ta shikoni në videon më poshtë.