Aktoret e ”Big Little Lies”, Meryl Streep dhe Nicole Kidman, janë duke u ribashkuar për adaptimin e muzikorit skenik të nominuar për Tony, “The Prom”.

Manjati televiziv Ryan Murphy e ka prezantuar ekipin e tij yjor të aktorëve për projektin e Netflixit, ku do të përfshihen edhe James Corden, Ariana Grande, Awkwafina, Keegan-Michael Key dhe Andrew Rannells.

Burimet thanë për Deadline se Murphy do të fillojë me xhirimet në dhjetor (2019), ndërsa shfaqja e filmit planifikohet për fundin e vitit 2020 në kinema dhe në shërbimin streaming, shkruan KOHA Ditore.

Projekti në fjalë është një nga disa projektet të cilat Murphy po i zhvillon për Netflix – ku përfshihen serialet “The Politicians” and “Ratched”, dhe një përshtatje filmike të një tjetër muzikori skenik, “The Boys in the Band”.

Në “The Prom”, Streep, e cila i mbushi 70 vjet të shtunën (22 qershor), thuhet se do ta luajë fituesen e dyfishtë të Tony, e cila do të bashkohet me karakterin e Corden për t’i rehabilituar karrierat e tyre të zbehura, duke e lansuar një fushatë për ta mbështetur një maturante të shkollës së mesme, së cilës i ishte ndaluar ta dërgonte të dashurën e saj në mbrëmjen e maturës.

Key do ta luajë drejtorin e shkollës në Indiana, i cili qëndron prapa ndalimit, dhe i cili bie në dashuri me karakterin e Streep.

Grande do ta kompozojë kolonën zanore përkrah Murphyt dhe menaxherit të saj, Scooter Braun. / KultPlus.com